သခင်စိုးမြင့် ၏နောက်ဆုံနေ့

သခင်စိုးမြင့် ၏နောက်ဆုံနေ့

(001) |ရန်ကုန်မြို့၊ တောင်ဥက္ကလာ(၄) ရပ်ကွက် ကေတုမာလာရိပ်သာ အနောက် ၃ လမ်း အမှတ် ၅(က) နေအိမ်မှ ကားများ၉ နာရီခွဲတွင်ရေဝေး သုဿာန်သို့ စတင်ထွက်ခွာပါသည်။ ပထမဦးဆုံးမိသားစုမှ ဂါရဝပြု ပြီး နောက် ကြွရောက်လာတဲ့ သံတမန် များနိုင်ငံရေးလုပ်ဖော်ကိုင်ဖက်များ ဧည့်ပရိတ်သတ်များ မှနောက်ဆုံ အနေဖြင့် ဂါရဝပြု နုတ်ဆက်ပါတယ် ။
ထို့နောက် အခမ်းအနားအစီအစဉ်ဖြင့်ပြုလုပ်ကျင်းပခဲ့ ရာ-

အစီအစဉ် (၁ )အရ .. မိသားစုမှ နောက်ဆုံးဂါရဝ ပြုခြင်း
အစီအစဉ် (၂ )အရ .. တောင်ဥက္ကလာ မှ မြို့နယ်စည်းမှ အဖွဲ့ချုပ်အဖွဲ့ဝင်များမှ နောက်ဆုံးအကြိမ် ဂါရဝပြုနုတ်ဆက်ခြင်း ၊
အစီအစဉ် ( ၃ )အရ .. ဘဘ ဦးတင်ဦး မှ သံဝေဂ ဂါထာ ဖတ်ခြင်း၊
အစီအစဉ် ( ၄)အရ .. သခင်စိုးမြင့် ၏ အထ္ထုပ္ပတ္တိနှင့်လုပ်ဆောင်ချက်များ ၊ ဂုဏ်ရည်များ ကိုတာမွေမြို့နယ် လွှတ်တော် ကိုယ်စားလှယ် ဦးလှသိန်းမှ ဖတ်ကြားခြင်း၊
အစီအစဥ်( ၅ )အရ.. သခင် စိုးမြင့်သည် တို့ဗမာ အစည်းအရုံးဝင် သခင်တစ်ဦးဖြစ်သည့်အတွက် (တို့ဗမာ သီချင်းကို) သခင်စိုးမြင့် ၏သားမှ ဦးဆောင်၍ ကြွရောက်လာသူများနှင့် အတူတူ သံပြိုင် သီဆို၍ အခမ်းအနား အစီအစဉ်ကို အဆုံးသတ်ခဲ့ပါသည် ။။

ထို့နောက် ရိုးရာအစဉ်အလာအတိုင်း ကြေးစည်ထမ်းသူ ၊သခင်စိုးမြင့် ၏ ဓာတ်ပုံ ကိုင်ဆောင်သူ၊ လွမ်းသူပန်းခြင်း နှင့် ပန်းခွေများကို သားသမီးမြေးမြစ်များ နှင့်အဖွဲ့ချုပ်အဖွဲ့ဝင်များက အစဉ်လိုက် ကိုင်ဆောင်၍ နောက်ဆုံးတွင် သခင်စိုးမြင့်၏ ခေါင်းတလားကို အဖွဲ့ချုပ် လူငယ်များက ထမ်းကာသယ်ဆောင်၍ သဂြိုလ် စက်သို့ပို့ဆောင် င်္သဂြိုလ် ပါသည်။

သခင်စိုးမြင့် ၏ ဈာပန သို့ မိသားစုဝင်များ၊ နိုင်ငံခြားသံတမန်များ (အမေရိကန်၊ဗြိတိသျှ၊သြစတေးလျ)၊ ဝါရင့်နိုင်ငံရေး သမားများ ၊ အဖွဲ့ချုပ်ခေါင်းဆောင်များဖြစ်ကြသည့် ဦးတင်ဦး ၊ ဦးဝင်းတင် ၊ ဦးဥာဏ်ဝင်း အပါအဝင် အဖွဲ့ချုပ်အဖွဲ့ဝင်များ ၊ဆွေမျိုးမိတ်သင်္ဂဟ များ မှ လိုက်ပါပို့ဆောင်ကြပါသည်။ဈာပန အခမ်းအနားသည် နေ့လည် ၁၁ နာရီတွင် ပြီးဆုံးခဲ့ပါသည်။

ရုပ်ပုံပေါ် ကလစ်နှိပ်၍ အကြီးကြည့်နိုင်ပါသည်။



ပေးပို့ပေးသော (001) အားကျေးဇူးအထူးတင်ရှိပါကြောင်း မှတ်တမ်းတင် အပ်ပါသည်။

source by : ပေးပို့သည့် မျိုးဆက်သစ်လူငယ်များကို အထူးကျေးဇူးတင်ရှိပါသည်။