နိုင်ငံခြားသား ရွှေ့ပြောင်း အလုပ်သမားများ အရေး ထိုင်းဝန်ကြီးချုပ်ထံ အိပ်ဖွင့် ပေးစာပို့

နိုင်ငံခြားသား ရွှေ့ပြောင်း အလုပ်သမားများ အရေး ထိုင်းဝန်ကြီးချုပ်ထံ အိပ်ဖွင့် ပေးစာပို့

ဇော်ကြီး | ထိုင်းနိုင်ငံရှိ နိုင်ငံခြားသားရွှေ့ပြောင်း အလုပ်သမားများ ကြုံတွေ့ နေရသည့် အခက်အခဲများ နှင့် ပတ်သက်၍ အစိုး ရ မဟုတ်သော ထိုင်း NGO အဖွဲ့အစည်းများနှင့် မြန်မာရွှေ့ပြောင်း အလုပ်သမား အရေး ဆောင်ရွက်နေသည့် အဖွဲ့များက ထိုင်းဝန်ကြီးချုပ်ထံ ယနေ့နံနက်က အိပ်ဖွင့်ပေးစာ တစ်စောင် ပေးပို့ခဲ့သည်။

ထိုင်းဝန်ကြီးများ အစည်းအဝေးမှ ဇန္န၀ါရီလ ၁၉ ရက်နေ့ ဆုံးဖြတ်ချက်သည် နိုင်ငံခြားသား ရွှေ့ပြောင်း အလုပ်သမား နှစ်သန်းကျော် အတွက် စိုးရိမ် စရာများ ဖြစ်နေ၍ ထိုဆုံးဖြတ်ချက်အား ပြန်လည် ပြုပြင်ပေးရန် တောင်းဆို ခြင်းဖြစ်သည်။

လာမည့် ၂၀၁၀ ခုနှစ် ဖေဖော်ဝါရီလ (၂၈) ရက်နေ့ နောက်ပိုင်း နိုင်ငံသားစီစစ်ရေး လျှောက်ထားရန် စာရင်း မသွင်းသူ များအား ဌာနေ နိုင်ငံသို့ ပြန်ပို့ရန် ၀န်ကြီးများ အစည်း အဝေးက ဆုံးဖြတ်ခဲ့မှုကို ပြန်လည် ပြုပြင် ပေးရန် ထိုင်းဝန်ကြီးချုပ်ထံ တင်ပြ တောင်းဆိုခြင်း ဖြစ်သည်ဟု လူ့အခွင့်အရေးနှင့် ဖွံ့ဖြိုး တိုးတက်ရေး ဖောင်ဒေးရှင်း (HRDF) မှ ဦးစိန်ဌေးက ယခုလိုပြောသည်။

“အဓိကကတော့ ဒီ ၁၉ ရက်နေ့တုန်းက ထုတ်လိုက်တဲ့ ကက်ဘိနက် အစည်းအဝေးရဲ့ ဆုံးဖြတ်ချက်ပေ့ါ နော်။ အဲဒီ ဆုံးဖြတ်ချက်ရဲ့ အကြောင်းအရာ တွေက အလုပ်သမားရဲ့ လက်ရှိ အခြေအနေနဲ့ သိပ်ပြီး ကိုက်ညီမှုတွေ မရှိတဲ့ အခါကျတော့ အဲဒီဟာကို ပြုပြင်ပြောင်း လဲပေးဖို့ နောက်ထပ်လည်း ကျနော်တို့ ဟိုးအရင်ထဲက တောင်းဆို ထားတဲ့ အချက်တွေ ပေ့ါနော်၊ အဲတာတွေကိုလည်း တိကျ သေချာအောင် လုပ်ပေးဖို့ပေ့ါနော်။”

ဝန်ကြီးများ အစည်းအဝေးမှ ဆုံးဖြတ်ချက် အရ အလုပ်သမားများ အလုပ်ရှင်ပြောင်းခွင့် မရှိသည့် အချက်သည် အလုပ်သမားများ အတွက် အခက်အခဲ ဖြစ်စေပြီး အလုပ်သမား အခွင့် အရေးကို ချိုးဖောက်ခြင်း ဖြစ်သည်ဟု ပေးစာ၌ ဖော်ပြထားသည်။

ထိုပြင် ရွှေ့ပြောင်း အလုပ်သမား နှစ်သန်းကျော် အနက် ၈၀ ရာခိုင်နှုန်းသည် မြန်မာနိုင်ငံသား များဖြစ်ပြီး နိုင်ငံအတွင်း စီးပွားရေး ယိုယွင်းမှု၊ လူမျိုးရေးနှင့် နိုင်ငံရေး ဆိုင်ရာ ပဋိပက္ခများ၊ စစ်ပွဲများကြောင့် ရောက်လာသူများ ဖြစ်၍ နိုင်ငံသား စီစစ်ရာ၌ သက်သေခံ အထောက် အထား ပြသရန် ခက်ခဲသူများ ဖြစ်သည်။

နိုင်ငံသား စီစစ်ရေး လုပ်ငန်းတွင် ၀န်ဆောင်မှု ပေးနေသည့် အဖွဲ့အစည်းများက အလုပ်သမား များအပေါ် ခေါင်းပုံ ဖြတ်နေသည့် အတွက် ထိုင်းအစိုးရမှ ၀န်ဆောင်ခ နှုန်းထားများ သတ်မှတ် ပေးရန်၊ ထိုင်းနိုင်ငံ အတွင်း ကျန်ရှိ နေသည့် တရားမ၀င် အလုပ်သမား များအား တရားဝင် အလုပ်သမား မှတ်ပုံတင်များ ထပ်မံ ပြုလုပ်ပေးရန် တောင်း ဆိုထားသည်။

ထို့အပြင် ထိုင်း မြန်မာ နှစ်နိုင်ငံ သဘောတူညီချက် အရ ယာယီနိုင်ငံကူး လက်မှတ် ပြုလုပ်သည့် လုပ်ငန်းကို နယ်စပ် ဒေသ သုံးနေရာ၌ သာမက လာအို၊ ဗီယက်နမ် နိုင်ငံများနည်းတူ ထိုင်းနိုင်ငံ အတွင်း လာရောက် ဖွင့်လှစ်နိုင်ရန် မြန်မာ အစိုးရနှင့် ညှိနှိုင်း ဆောင်ရွက် ပေးရန်လည်း တင်ပြထားသည်။

ထိုင်းအစိုးရနှင့် အလုပ်သမားများကြား အဆင်ပြေ ချောမွေ့စေရန် အလုပ်သမားရေး ဆောင်ရွက်နေသည့် အဖွဲ့ များနှင့် ဆက်သွယ်၍ ညှိနှိုင်း ဆွေးနွေး ဆောင်ရွက် သင့်ကြောင်း တင်ပြထားသည်ဟု NCGUB မှ ရွှေ့ပြောင်း အလုပ်သမားရေး တာဝန်ခံ ဦးသက်ခိုင်က ယခုလို ပြောသည်။

“ဒီရွှေ့ပြောင်း အလုပ်သမား အရေး လုပ်နေတဲ့ အဖွဲ့အစည်းတွေ သာလျှင် ရွှေ့ပြောင်း အလုပ်သမား အကြောင်းကို နားလည်တယ်။ အဲဒီတော့ ကြားမှာ ရှိနေတဲ့ ပွဲစားတို့၊ ကျန်တဲ့ဟာ တွေက နားလည်ဖို့ဆို တာ တော်တော်ကို ခက်ခဲမယ့် အနေအထားမျိုး တွေရှိတယ်။”

ယနေ့ တောင်းဆိုချက်များအား ထိုင်းအစိုးရ မဟုတ်သည့် အဖွဲ့အစည်းများ အပါအ၀င် မြန်မာ ရွှေ့ပြောင်းအလုပ် သမား ၁၅၀ ခန့်က ထိုင်းနိုင်ငံ ဘန်ကောက်မြို့ရှိ ကုလသမဂ္ဂ သံရုံးနှင့် ထိုင်းအစိုးရ ၀န်ကြီးချုပ်ရုံးတို့၌ ပေးအပ် ခဲ့သည်။

အလားတူ ထိုင်းနိုင်ငံ ချင်းမိုင်မြို့ရှိ မြန်မာ ရွှေ့ပြောင်း အလုပ်သမား ၅၀ ခန့်သည် ယနေ့နံနက် ၁၀ နာရီအချိန် ခန့်က ချင်းမိုင် ခရိုင်ရုံးသို့ သွားရောက်၍ အလုပ်သမားများနှင့် ပတ်သက်သည့် တောင်းဆိုချက် (၇) ချက်ပါ ပေးစာ တစ်စောင်အား ဒုတိယ ခရိုင်ဝန်ထံ ပေးပို့ခဲ့သည်။

ယင်းပေးစာအား လူ့အခွင့်အရေးနှင့် ဖွံ့ဖြိုး တိုးတက်ရေး ဖောင်ဒေးရှင်း၊ လူ့အခွင့်အရေး စောင့်ကြည့် လေ့လာရေး အဖွဲ့ (နယူးယောက်)၊ နိုင်ငံတကာ အလုပ်သမား သွေးစည်း ညီညွတ်ရေး အမေရိကန် စင်တာ၊ ရွှေ့ပြောင်း အလုပ် သမားများ ကွန်ယက် (ထိုင်းနိုင်ငံ)၊ ရွှေ့ပြောင်း အလုပ်သမားများ အရေး ပူးပေါင်း ဆောင်ရွက်ရေး အဖွဲ့(ထိုင်းနိုင်ငံ) တို့မှ လက်မှတ်ရေး ထိုးခဲ့ပြီး ထိုင်းအစိုးရ ဌာန အသီးသီးသို့ မိတ္တူ ပေးပို့ခဲ့သည်။

မြန်မာနိုင်ငံသား အလုပ်သမား နှစ်သန်းကျော် ရှိသည့် အနက် တရားဝင် အလုပ်သမား မှတ်ပုံတင် ကိုင်ဆောင်ထား သူ တစ်သန်းကျော် ရှိပြီး ယာယီ နိုင်ငံကူး လက်မှတ် ပြုလုပ်ရန် စာရင်းသွင်း ထားသူ ရှစ်သောင်း ရှိသည့် အနက် ပြုလုပ်ပြီးသူ သုံးသောင်းကျော်သာ ရှိသည်ဟု အလုပ်သမား အရေး ဆောင်ရွက် နေသည့် အဖွဲ့များက ခန့်မှန်းကြ သည်။

source by : သတင်းနှင့် မီဒီယာကွန်ယက်