7/23/2009

မြစ်ကြီးနားမြို့နယ်တွင် သွေးလွန်တုပ်ကွေးဖြစ်သူ များပြား

ကချင်ပြည်နယ်၊ မြစ်ကြီးနားမြို့နယ်အတွင်း ကလေးသူငယ်များသာမကပဲ ဆယ်ကျော်သက်လူငယ်များပါ သွေးလွန်တုပ်ကွေး ဖြစ်ပွားနေပြီး အသက်ဆုံးပါးမှုများ ရှိနေကြောင်း မြို့ခံများက ပြောသည်။

ပြီးခဲ့သည့် တပတ်ခန့်မှစ၍ မြစ်ကြီးနားဆေးရုံကြီးနှင့် ပြင်ပဆေးခန်းများတွင် သွေးလွန်တုပ်ကွေးဖြစ်ပွားနေသည့် ကလေးသူငယ် အများအပြား ကုသမှုခံယူနေရပြီး နေရာမဆန့်အောင်ထိ လူနာများပြားနေကြောင်း မြစ်ကြီနားမြို့ခံတဦးက ပြောသည်။

၎င်းက “အခုက (၁၅)၊ (၁၆) နှစ် အရွယ်တွေတောင် ဖြစ်နေတာ။ ဆေးရုံရော အပြင်ဆေးခန်းတွေမှာပါ သွေးလွန်တုပ်ကွေးကြောင့် ရောက်နေတဲ့သူတွေ အများကြီးပဲ။ သေဆုံးမှုဆိုတာက ကျနော်သိတာ ပြီးခဲ့တဲ့ရက်ပိုင်းက အေးမြသာယာမှာ (၂) ယောက်၊ ခေမာသီရိ ရပ်ကွက်မှာ (၂) ယောက် ကလေးတွေချည်းပဲ။ ကျန်တဲ့နေရာမှာလည်း ဆုံးပါးမှုတွေ ရှိနေတယ်လို့ ကြားနေရတယ်။ နယ်ဘက်ကျတော့ တချို့က ဆေးမီးတိုနဲ့ ကုရင်းနဲ့ ဆုံးပါးရတယ်။ ဘယ်လောက် သေတယ်ဆိုတာ စာရင်းဇယား တိတိကျကျရှိတာ မဟုတ်ဘူး” ဟု ပြောသည်။

နှာခေါင်းမှ သွေးယိုကျခြင်း၊ သွေးပေါင်ကျခြင်းနှင့် ကိုယ်ပူတက်ခြင်း လက္ခဏာများဖြစ်ကာ ဆေးကုသမှု မခံယူနိုင်သည့် ကလေးများအနေဖြင့် ရက်ပိုင်းအတွင်း သေဆုံးနေရသည်ဟု အဆိုပါ ဒေသခံက ပြောသည်။

“မြစ်ကြီးနားမှာက ခြင်တွေက ဆယ့်နှစ်ရာသီပေါနေတာ၊ ရေမြောင်းတွေက ပိတ်ဆို့နေတာ၊ ရပ်ကွက်သန့်ရှင်ရေးတွေလည်း မလုပ်နိုင်တာကြာပြီ။ ဆေးဖြန်းတာတွေ ဘာဆို ဘာမှမရှိဘူး။ အခုလိုဖြစ်နေလို့ ကျန်းမာရေးဌာနက ပညာပေး ဟောပြောတာ၊ စာရွက်ဝေတာ၊ အသိပေးစာကပ်တာ ဘာမှမရှိဘူး” ဟု ၎င်းက ပြောသည်။

ယခုကိစ္စနှင့်ပတ်သက်၍ မြစ်ကြီးနား ပြည်နယ်ဆေးရုံကြီးသို့ ဖုန်းဆက်သွယ်၍ မရရှိပါ။

source by : ခေတ်ပြိုင်
ပို့စ်တင်သူက ဒီရေ | အကြောင်းအရာ

အခြားသတင်းများ-

0 ယောက်ရဲ့ထင်မြင်ချက်:

Post a Comment

Subscribe to: Post Comments (Atom)