၂၁ ရက်နေ့ သတင်းများ

၂၁ ရက်နေ့ သတင်းများ

တရားရုံးက မနက်ဖြန်တွင် ဆက်လက်ကြားနာမည်


အင်းစိန်ထောင်တွင်း အထူးတရားရုံးက အမှုစစ်ဆေး ကြားနာမှုကို မနက်ဖြန်တွင် ၅ ရက်မြောက်အဖြစ် ထပ်မံ ချိန်းဆိုလိုက်သည်။ ဤသည်မှာ ယခုတပတ် တနင်္လာနေ့မှ စတင်လာခဲ့သည့် နေ့စဉ်ရက်ဆက် စစ်ဆေးနေမှု၏ အဆက်ဖြစ်သည်။

ယနေ့ ကြားနာမှုသည် ယခင်နေ့များထက် ပိုမို ကြာမြင့်ခဲ့ကြောင်းနှင့် ဂျွန် ဝီလျံ ယက်တောထံမှ သိမ်းဆည်းရမိသည့် ဗီဒီယိုထဲတွင် ရိုက်ကူးထားသည်များကို မျက်မြင်သက်သေက ရုံးတော်သို့ ပြသခဲ့ကြောင်း အန်အယ်ဒီ ပြောခွင့်ရပုဂ္ဂိုလ် ဦးဉာဏ်ဝင်းက မဇ္ဈိမကို ပြောသည်။

ဗီဒီယိုထဲတွင် မစ္စတာ ယက်တောက ဒေါ်အောင်ဆန်းစုကြည် နေအိမ်သို့ သူ ရောက်ရှိလာကြောင်း၊ ဓာတ်ပုံ ရိုက်ယူလိုမှုကို ဒေါ်အောင်ဆန်းစုကြည်က ငြင်းဆန်ကြောင်းနှင့် သူသည် ထိုင်းနိုင်ငံသို့ ပြန်လိုကြောင်း ပြောဆို ရှင်းပြထားသည်များ ဖြစ်သည်ဟု ဦးဉာဏ်ဝင်းက ပြောပြသည်။

ယနေ့တွင် တရားရုံးက မျက်မြင်သက်သေ ၄ ဦးကို စစ်ဆေးခဲ့သည်။
-------------------------------

ပူးပေါင်းလက်တွဲစေလို
ဒေါ်ခင်စောဋ္ဌေး (ဒုဥက္ကဋ္ဌ၊ အမျိုးသား ဒီမိုကရေစီ အဖွဲ့ချုပ်၊ ရေနံချောင်း)
ကြာသပတေးနေ့၊ မေလ 21 2009 20:00 - မြန်မာစံတော်ချိန်

တရားဥပဒေက ရုပ်ပြပါပဲ။ သံတမန်တွေ လာရတယ်လို့ ပြောတော့လည်း စကားပြန်မှ မပါဘဲနဲ့ သံတမန်တွေက အရုပ်ကြည့်နေရတဲ့ သဘော ရှိမှာပေါ့။ အဲဒီလို ဟန်ပြလုပ်တာတွေ စာနယ်ဇင်း လွတ်လပ်ခွင့် ဘယ်လောက် ရှိမလဲ။ ကင်မရာတောင် မပါရဘူးဆိုတော့ ဒါတွေဟာ ဟန်ပြလုပ်နေတာတွေ ဖြစ်တယ်။ ဒါတွေက သိတာပါတယ်နော်။ သူတို့ ထိန်းသိမ်းထားတဲ့ အမျိုးသမီးတယောက်ကို ဘာဖြစ်လို့ ထပ်လုပ်လဲဆိုတော့ အရင်တခါလည်း ပြောဖူးတယ်။ ဒေါ်စုကို ကြောက်လို့ပေါ့။ ဒီလောက် မိန်းမတယောက်ကို ဘာဖြစ်လို့ ကြောက်ရသလဲဆိုတော့ ဒေါ်စုဟာ လူထုခေါင်းဆောင် ဖြစ်တာကိုး။ လူထုက လေးစားရတယ်။

အစိုးရဆိုတာ လူထုက လေးစားတဲ့ အစိုးရ၊ ချစ်ခင်တဲ့ အစိုးရဖြစ်မှ၊ လူထုကြည်ညိုမှ အစိုးရကောင်း ဖြစ်တာ။ ဒေါ်အောင်ဆန်းစုကြည်က လူထုက အင်မတန် ကြည်ညိုတာ။ ဒါကို ဒီလိုလုပ်လိုက်တယ်ဆိုတော့ သူတို့ရဲ့ ခြေလမ်းက တော်တော်ကို မှားသွားတာပါ။ ဖိနှိပ်တယ်ဆိုတဲ့ နေရာမှာ အရင်တခါ ပြောဖူးပါတယ်။ ဒေါ်အောင်ဆန်းစုကြည်ကို ဘာဖြစ်လို့ ဖိနှိပ်နေရတာလဲ။ တကယ်တမ်း စဉ်းစာကြည့်ရင် စိတ်ထားကောင်းတဲ့ လူတွေအနေနဲ့ဆိုရင် ဒေါ်အောင်ဆန်းစုကြည်နဲ့ တွဲပြီးတော့ လုပ်လိုက်ရင် တိုင်းပြည်လည်း သာယာမှာပဲ။ ဘာဖြစ်လို့ ဒေါ်စုနဲ့ တွဲလုပ်ရမလဲဆိုတော့ ဒေါ်စုကို အားလုံး သိကြတဲ့ အတိုင်းပါပဲ၊ တိုင်းရင်းသား လူမျိုးအားလုံးက အားထားတယ်။ အန်တီတို့နိုင်ငံ ငြိမ်းချမ်းရေးမရတာ နှစ် ၆ဝ ရှိပြီ။ ဒီ အနှစ် ၆ဝ အတွင်းမှာ လွတ်လပ်ရေးပြီးတော့ ငြိမ်းချမ်းရေး မရဘူးလေ။ ငြိမ်းချမ်းရေးကို ဖော်ဆောင်နိုင်တဲ့ ပုဂ္ဂိုလ်ဖြစ်တဲ့ ဒေါ်စုနဲ့ သူတို့ လက်မတွဲနိုင်တာ သူတို့ ငြိမ်းရေး မလိုချင်လို့ပေါ့။ ဒေါ်အောင်ဆန်းစုကြည်ကို ဘာဖြစ်လို့ မကြိုက်တုန်းဆိုတော့ အဲဒီမှာ အဖြေက ပေါ်နေတယ်။

ဗိုလ်ချုပ်ကြီးနေဝင်း လက်ထပ်တုန်းက စစ်တပ်ကနေ သူပုန်တွေကို တိုက်တော့ သူပုန်တွေက နည်းနည်းလေးပဲ ကျန်တော့တယ်။ သိမ်းလိုက်ရပြီဆိုတော့ မသိမ်းရဘူး၊ စစ်တပ်တွေ ပြန်လာခဲ့ဆိုပြီး ဗိုလ်ချုပ်နေဝင်းက ပြန်ခေါ်တာ။ ဘာဖြစ်လို့ ပြန်ခေါ်သလဲဆိုတော့ သူပုန်ရှိမှ စစ်တပ်က အလုပ်ရှိတာ။ ဒါကြောင့်မို့ သူပုန်ကို သေသေချာချာ မွေးဖွားထားတာ။ ဒီလိုပုံဏ္ဍာန်မျိုး ဖြစ်နေတယ်။

သူတို့က ငြိမ်းချမ်းရေးကို မလိုချင်တဲ့သူတွေ၊ သူတို့က အထက်က နေချင်တာ၊ စည်းစည်းလုံးလုံးနဲ့ တိုင်းရင်းသားတွေက ဖက်ဒရယ်ကို တောင်းနေတာ၊ နိုင်ငံတကာ ဒီမိုကရေနိ်ုင်ငံတွေမှာ ဆိုလို့ရှိရင် ဗဟိုကနေပြီး၊ မြန်မာနိုင်ငံမှာဆိုရင် ပြည်မကနေပြီး အရေးကြီးတဲ့ ပြည်ထဲရေးတို့၊ ဘဏ္ဍရေးတို့ကို ကိုင်ရမှာပေါ့။ ပြည်နယ်လေးတွေကလည်း သူတို့ပြည်နယ် လွတ်လပ်ခွင့်၊ အုပ်ချုပ်ခွင့်တွေ လိုချင်ကြမှာပေါ့။ အခုဆိုရင် ဝပြည်နယ် အစိုးရအဖြစ် သတ်မှတ်နေပြီလေ။ ပြည်တွင်း ငြိမ်းချမ်းရေးကို လိုကိုမလိုချင်ဘူး။ အဓိကဖြစ်တဲ့ ပြည်တွင်း ငြိမ်းချမ်းရေး ရရှိမှာကို မကြိုက်ဘူး။ သူတို့ အာဏာနဲ့ပဲ အုပ်ချုပ်ချင်တာ၊ သူတို့က အထက်ကပဲနေချင်ကြတာ တကယ်တန်းကတော့ တိုင်းပြည်ကို တိုးတက်စေချင်တဲ့ စိတ်ကို မရှိဘူး။

ပြည်သူလူထုအတွက် လုံးဝ စိတ်မရှိလို့ ဒီလိုပဲ ဖမ်းတာပဲ။ ပြည်သူလူထုအတွက် စေတနာရှိရင် ဗမာတင် မဟုတ်ဘူး၊ တိုင်းရင်းသားအားလုံး ကောင်းဖို့အတွက်ဆိုရင် ဒေါ်အောင်ဆန်းစုကြည်နဲ့ လက်တွဲရမှာ။ ဒေါ်အောင်ဆန်းစုကြည်နဲ့ဆိုရင် ငြိမ်းချမ်းရေးရမှာပဲဆိုပြီး အားလုံးက စောင့်ဆိုင်းနေတယ်။ ဒီလိုပုဂ္ဂိုလ်မျိုးနဲ့ အခုချိန်မှာ လက်တွဲရမှာ၊ လက်တွဲရမယ့် အချိန်လေးမှာ လက်မတွဲဘဲနဲ့ လုပ်လိုက်တာ အင်မတန် မှားပါတယ်။ ဒါကြောင့်မို့ တိုင်းပြည်လည်း နစ်နာတယ်။ အစိုးရလည်း နစ်နာတယ်။ ဒေါ်အောင်ဆန်းစုကြည်ကို ဒီလိုလုပ်လိုက်တာ၊ ဒေါ်အောင်ဆန်းစုကြည်က ပိုပြီးတော့ ထင်ပေါ်လာတယ်။

ဘာဖြစ်လို့လဲဆိုတော့ အမျိုးသမီးတယောက်ကို ဒီလောက်တောင်မှာပဲ ကြံ့ခိုင်ဖွံ့ဖြိုးရေးတွေ၊ ရဲတွေ၊ စွမ်းအားရှင်တွေ အပြင်မှာလည်း စောင့်ရတယ်ဆိုတာ လူထုက လာပြီးတော့ ဒေါ်စုကို ထောက်ခံလို့ လာကြတာ၊ ငါတို့ကို ဖမ်းချင် ဖမ်းပလေ့စေ၊ ငါတို့ခေါင်းဆောင်ကို လွတ်အောင် အားပေးမယ်။ အဓိက လူထုအားနဲ့ အောင်မြင်မှု ရကြတာ ဖြစ်တယ်။ ဒေါ်အောင်ဆန်းစုကြည်ကို လူထုက ချစ်မှန်းသိလို သူတို့က ဖိနှိပ်တာ။ ဒီလို ဖိနှိပ်လေ၊ လုပ်ရင်တော့ သူတို့ မှားမှာပေါ့။ ဒေါ်အောင်ဆန်းစုကြည်ကို လူထုချစ်သလို လူထုကလည်း ဒေါ်အောင်ဆန်းစုကြည်ကို ချစ်တယ်။ အစိုးရကိုလည်း လူထုချစ်အောင်လုပ်ပါ။ ဒါမှာ မဟုတ်ရင် လူထုချစ်တဲ့ လူနဲ့ လက်တွဲလုပ်လိုက်ရင် မသာယာဘူးလား။ ဒါကို အတွေးအခေါ်တွေ မှားနေတာ။

အနတ္တ မသိဘူး။ လူ့ဘဝဆိုတာ ကြာကြာမနေရပါဘူး။ နာမည်တလုံး အဆုံးခံချင်ကြတာကိုး။ ဒေါ်အောင်ဆန်းစုကြည်က အဖမ်းခံနေရပေမယ့် မြန်မာနိုင်ငံ ခေါင်းဆောင်တယောက် မဟုတ်တော့ဘူးလေ။ အခုဆိုရင် နိုဘယ်ဆုရှင်ပီပီ ကမ္ဘာကနေ သူ့ကို လွတ်မြောက်ဖို့အတွက်ကို ကမ္ဘာကနေ စိတ်ဝင်စားနေကြတာ။ အခုနေ ဗိုလ်ချုပ်မှူးကြီး သန်းရွှေ ဖမ်းထားတယ်ဆိုရင် ဘယ်ကမ္ဘာ့က တောင်းမှာလဲ။ ဘယ်သူမှ မတောင်းဘူး။ အဲဒီလို ကွာတယ်။ ဒေါ်အောင်ဆန်းစုကြည်နဲ့ သူတို့နဲ့ ကွာတယ်။ ဒေါ်စုနဲ့ တွဲလုပ်ချင်လုပ်၊ မလုပ်ရင်လည်း ဒေါ်စုလို လူထုချစ်အောင် လုပ်ပေါ့။ NLD ကို မျိုးဖြုတ်ချင်ရင်၊ NLD ကို မရှင်သန်စေချင်ရင်၊ NLD ကို ဒီလို ဖိအားတွေ ပေးစရာ မလိုဘူး။ ခေါင်းဆောင်လည်း ဖမ်းစရာ မလိုဘူး။ ငယ်သားတွေလည်း ဖမ်းပြီးတော့ နှစ်ရှည်ထောင်ဒဏ် ပေးစရာ မလိုဘူး။ သူတို့က ပြည်သူလုထုစားဝတ်နေရေး ပြေလည်အောင် လုပ်ရမယ်။ ပြည်သူလူထုက စားဝတ်နေရေး ပြေလည်ပြီး သူတို့ ဘဝ သာယာနေမယ်ဆိုရင် NLD လည်း လှည့်မကြည့်ဘူး။ ၈၈ လည်း လှည့်မကြည့်ဘူး။

အခု ၂ဝ၁ဝ ရွေးကောက်ပွဲမှာ သူတို့ မဖြစ်မနေ လုပ်ဦးမှာ။ ဒီမိုကရေစီ ရမှာ မဟုတ်သေးဘူး။ ရွေးကောက်ပွဲ လုပ်ပြီးတော့လည်း ဒီမိုကရေစီရမှာ မဟုတ်ဘူး။ လူထုက လမ်းပေါ် မထွက်ရဲ၊ ထွက်ရင် ဖမ်းဟယ် သတ်ဟယ်။ ဒါကြောင့်မို့ လမ်းပေါ်ပေမယ့် ၂ဝ၁ဝ ရွေးကောက်ပွဲ ကာလကျရင် လမ်းပေါ် မထွက်ဘဲနဲ့ အိမ်ထဲကနေ လုံးဝ မထွက်ဘဲနဲ့ မဲရုံမသွားကြပါနဲ့လို့ ပြောချင်တယ်။ လမ်းပေါ် မထွက်ဘဲနဲ့၊ အိမ်ထဲကနေ လုံးဝ မထွက်ပဲနဲ့၊ အိမ်ထဲမှာပဲ ဆန္ဒပြလိုက်ကြပါ။ ဘယ်သူမှာ ဖမ်းမထည့်ရဲပါဘူး။ ဆွဲထည့်တော့လည်း ကမ္ဘာက သိနေပါတယ်။ ဒီအခြေခံဥပဒေနဲ့ သွားရင် NLD တို့၊ ၈၈ တို့က ဆက်ပြီး ရှင်သန်နေမှာပါပဲ။ နာမည်သာပြောင်းသွားမယ် ဆက်ပြီး ရှင်သန်နေမှာပါပဲ။ ဒီအခြေခံဥပဒေအတိုင်း သွားရင် မရဘူး။ အအုပ်ချုပ်ခံ လူတန်းစားအတွက် လုပ်တဲ့ ဥပဒေမှ မဟုတ်တာ။ အုပ်ချုပ်သူ လူတန်းစားအတွက် လုပ်တဲ့ ဥပဒေဖြစ်တဲ့ အတွက်ကြောင့် လူတွေက လမ်းပေါ် ထွက်စရာ မလိုပါဘူး။ အဲဒီဟာကို ကြောက်ပြီးတော့ မဲရုံ မသွားပါနဲ့။ ကိုယ့်အိမ်ထဲမှာ နေကြစမ်းပါ၊ သတ္တိရှိကြစမ်းပါလို့ ပြောချင်တယ်။

အခုလို ဒေါ်အောင်ဆန်းစုကြည်ကို သွားတွေ့ကြတဲ့ ပြည်သူတွေကို အထူး လေးစားဂုဏ်ယူပါတယ်။ အန်တီတို့လို နယ်က လူတွေက လာချင်ပေမယ့် မလာနိုင်တာလည်း ရှိပါတယ်။ ခဏခဏလည်း မလာနိုင်ဘူး။ ဒေသခံတွေက သူတို့ရဲ့ စားဝတ်နေရေးကို ပစ်ပယ်ပြီးတော့ နေ့စဉ်နဲ့အမျှ ထောင်ရှေ့မှာ ထိုင်တဲ့သူတွေ၊ ရုံးချုပ်မှာ သွားလာနေကြတဲ့ လူငယ်လူကြီးတွေက ပိုက်ဆံတပြားမှ မရဘဲနဲ့၊ ကိုယ့်ပိုက်ဆံနဲ့ ကိုယ်လုပ်ကြတဲ့ သူတွေက ထောင်ဗူးဝရှေ့မှာ ဒေါ်အောင်ဆန်စုကြည်ကို အားပေးနေတဲ့ သူတွေကို ချီးကျူးတယ်၊ အားလည်း အားကျတယ်။ ငါတို့ကို ဖမ်းချင်ဖမ်း၊ ငါတို့ ခေါင်းဆောင် လွတ်ရင် ပြီးရောဆိုတဲ့ စိတ်ဓာတ်တွေနဲ့ အင်မတန် ကျေနပ်စရာ ကောင်းတယ်။ ဒါ ဒီမိုကရေစီ ဖော်ဆောင်နေတာ၊ ဒီမိုကရေစီရဲ့ အနှစ်သာရတွေပဲ၊ ဒီမိုကရေစီရဲ့ အလင်းရောင် ဖြစ်နေတာ။ ဒီလောက်ဖိနှိပ်နေတဲ့ အာဏာရှင်လက်ထဲမှာ ဒီလို တွန်းအားတွေ အားပေးနေတယ်ဆိုရင် အောင်မြင်မှုကို ရမှာ။ ဒီမိုကရေစီနိုင်ငံတွေမှာ အားကနေပြီး အောင်မြင်မှုတွေ ရကြတာ ဖြစ်တယ်။ အန်တီကတော့ အမြဲတမ်း အကောင်းမြင်တယ်။ ဒေါ်စုကြောင့်မို့ လူတိုင်းလူတိုင်းက ဒီမိုကရေစီ သဘောတရားကို နားလည်လာကြတယ်။
-------------------------------

ခွန်မားကိုဘန်း ( ဥက္ကဌ - ပြည်ထောင်စု တိုင်းရင်းသားလူမျိုးများ ဒီမိုကရေစီ အဖွဲ့ချုပ် (လွတ်မြောက်နယ်မြေ)
ဖယ်ခုံမြို့နယ် ပြည်သူ့လွှတ်တော် ကိုယ်စားလှယ်
ကြာသပတေးနေ့၊ မေလ 21 2009 19:00 - မြန်မာစံတော်ချိန်

“ဒေါ်အောင်ဆန်းစုကြည်ဟာ သူ့ရဲ့ အဖေ ဗိုလ်ချုပ်အောင်ဆန်းလိုပဲ ဒီမိုကရေစီ အရေးနဲ့ တိုင်းရင်းသား အရေးကို လေးလေးနက်နက် ထားတယ်။ ဒီဒေါ်အောင်ဆန်းစုကြည်ကို တိုင်းရင်းသားတွေက တကယ် ရိုသေလေးစား၊ အသိအမှတ်ပြုတယ်။ တကယ်ကို ခေါင်းဆောင် အနေနဲ့ အသိအမှတ် ပြုထားတယ်။”

“ကျနော်တို့ တိုင်းရင်းသားတွေ အဓိက ဘာလုပ်ရမလည်း ဆိုတော့ ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေ လွတ်မြောက်ဖို့။ နောက်တွေ့ဆုံ ဆွေးနွေးရေးတွေ ဖြစ်ဖို့။ ဖွဲ့စည်းပုံ အခြေခံ ဥပဒေ ပြန်လည် ပြင်ဆင်ဖို့ ဆိုတဲ့အချက်အပေါ်မှာ အလေးအနက် ထောက်ခံတယ်။”

“ဒါကြောင့် ပြည်တွင်းမှာ ရှိတဲ့ ကျနော်တို့ရဲ့ မိခင် အဖွဲ့အစည်းတွေကလည်းပဲ ဒီ ၂၀၀၈ နအဖ ဖွဲ့စည်းပုံ၊ ၂၀၁၀ ရွေးကောက်ပွဲကို ဆန့်ကျင် တိုက်ပွဲဝင်ဖို့ လိုတယ်ဆိုတာကို တိုက်တွန်း မေတ္တရပ်ခံလိုတယ်။”
-------------------------------

လွတ်လပ်ပွင့်လင်းသော တရားခွင်ဖြစ်ရန် လူငယ်များ တောင်းဆို
ကြာသပတေးနေ့၊ မေလ 21 2009 18:20 - မြန်မာစံတော်ချိန်

ဒေါ်အောင်ဆန်းစုကြည်အား အများပြည်သူ ရှေ့မှောက်တွင် တရားစစ်ဆေးရန်နှင့် အမျိုးသား ဒီမိုကရေစီ အဖွဲ့ချုပ်ဝင် လူငယ်များက ယနေ့ တောင်းဆို လိုက်သည်။

NLD လူငယ်လုပ်ငန်းများ ဖော်ဆောင်ရေးမှ ထုတ်ပြန်ချက်ဖြင့် တောင်းဆိုလိုက်ခြင်းဖြစ်ပြီး နိုင်ငံတကာ ဥပဒေ ပညာရှင်များအား လာရောက် လေ့လာခွင့် ပြုရန်လည်း တောင်းဆိုလိုက်သည်။

ထို့အပြင် NLD ရန်ကုန်တိုင်း လူငယ် အကူအညီပေးရေးနှင့် ရန်ကုန်တိုင်း မြို့နယ်ပေါင်းစုံ လူငယ်များကလည်း ကြေညာချက် ထုတ်ပြန်ရာတွင် ဒေါ်အောင်ဆန်းစုကြည်သည် မြန်မာနိုင်ငံ ဒီမိုကရေစီ စနစ် တည်ဆောက်ရေးနှင့် တိုင်းရင်းသား စည်းလုံးညီညွတ်ရေး ၊ အမျိုးသား ပြန်လည် သင့်မြတ်ရေး လုပ်ငန်းစဉ်တွင် မပါမဖြစ် ပါဝင်ရမည့် တိုင်းပြည်၏ ဂုဏ်ကျက်သရေရှိ ပုဂ္ဂိုလ်ကြီး ဖြစ်သည်ဟု ပါရှိသည်။
-------------------------------

ဒေါ်အောင်ဆန်းစုကြည်အတွက် အသက်အန္တရာယ်ဘေး မြင်ခဲ့ဟု ယက်တောပြော
ကြာသပတေးနေ့၊ မေလ 21 2009 18:10 - မြန်မာစံတော်ချိန်

ဒေါ်အောင်ဆန်းစုကြည်တွင် အသက် အန္တရာယ်ဘေး ကျရောက်ဖွယ် မြင်နေသဖြင့် ရေကူးပြီး လာရောက်ရခြင်း ဖြစ်သည်ဟု နေအိမ် အကျယ်ချုပ် ကျခံနေရသော ဒေါ်အောင်ဆန်းစုကြည်၏ နေအိမ်ဝင်း အတွင်းသို့ အင်းယားကန်ကို ဖြတ်ကူးပြီး ခိုးဝင်ခဲ့သူ အမေရိကန် နိုင်ငံသား ဂျွန် ဝီလီယံ ယက်တောက ပြောဆိုခဲ့ကြောင်း ရှေ့နေ ဦးဥာဏ်ဝင်းကို ကိုးကား၍ ရိုက်တာ သတင်းတပုဒ်တွင် ဖော်ပြထားသည်။

မစ္စတာယက်တောက ပြောသည်ဆိုသော အဆိုပါစကားကို အင်္ဂါနေ့က ပြုလုပ်သော တရားခွင် ကြားနာမှုတွင် ပြောဆိုခဲ့ခြင်း ဖြစ်သည်ဟု အမျိုးသား ဒီမိုကရေစီ အဖွဲ့ချုပ်၏ ပြောရေးဆိုခွင့်ရှိသူလည်းဖြစ်သော ဦးဥာဏ်ဝင်းကို ကိုးကား၍ ရိုက်တာက ရေးသားထားသည်။
-------------------------------

ယနေ့ တရားခွင် ပြီးဆုံး
ကြာသပတေးနေ့၊ မေလ 21 2009 16:10 - မြန်မာစံတော်ချိန်

(ပြင်ဆင်ချက်) ယနေ့ ညနေ ၄ နာရီခွဲခန့်တွင် ဒေါ်အောင်ဆန်းစုကြည်၏ ရှေ့နေများသည် အင်းစိန်ထောင်အတွင်းမှ ပြန်လည် ထွက်ခွာလာခဲ့ကြသည်။

မွန်းလွဲ ၃ နာရီခွဲခန့်တွင် ဒေါ်အောင်ဆန်းစုကြည်၏ ရှေ့နေများ အင်းစိန်ထောင် အတွင်းမှ ပြန်ထွက်လာကြပြီ ဖြစ်သည်။
-------------------------------

ဒေါ်အောင်ဆန်းစုကြည်အပေါ် တရားစွဲဆိုမှု အစ္စရေး စိုးရိမ်
ကြာသပတေးနေ့၊ မေလ 21 2009 16:07 - မြန်မာစံတော်ချိန်

ဒေါ်အောင်ဆန်းစုကြည်ကို တရားစွဲဆိုချက် အသစ်များ တပ်ပြီး အင်းစိန် အကျဉ်းထောင်သို့ ပို့လိုက်သည့်အပေါ် အလွန်အမင်း စိုးရိမ်ကြောင်း အစ္စရေးနိုင်ငံက ထုတ်ဖော် ပြောဆိုလိုက်သည်။

အစ္စရေး နိုင်ငံခြားရေး ဝန်ကြီးဌာနက ထုတ်ပြန်သော မေလ ၂၀ ရက်နေ့ ရက်စွဲပါ ကြေညာချက်တွင် ဒေါ်အောင်ဆန်းစုကြည်ကို ချက်ခြင်း လွှတ်ပေးရန် တောင်းဆိုလိုက်ပြီး ဒီမိုကရေစီ ပြန်လည်ထွန်းကားရေးနှင့် မြန်မာနိုင်ငံတွင် အမျိုးသား ပြန်လည်သင့်မြတ်ရေး လုပ်ငန်းစဉ် ဖြစ်ထွန်းမည်ဟု မျှော်လင့်ကြောင်း ပါရှိသည်။
-------------------------------

ဒေါ်အောင်ဆန်းစုကြည်အမှု ယမန်နေ့တရားခွင် ထွက်ဆိုချက်များ
ကြာသပတေးနေ့၊ မေလ 21 2009 15:35 - မြန်မာစံတော်ချိန်

တရားခွင်အတွင်း တရားလိုပြ သက်သေများ၏ ထွက်ဆိုချက်များကို စစ်အစိုးရ ထိန်းချုပ်ထားသော မီဒီယာများက ဆက်လက် ဖော်ပြခွင့် ရနေသည်။ အောက်ဖော်ပြချက်များမှာ ယနေ့ထုတ် မြန်မာ့အလင်း သတင်းစာပါ ဒေါ်အောင်ဆန်းစုကြည်၏ အမှု တရားခွင် ကြားနာချက်ကို ကိုးကားထားခြင်း ဖြစ်သည်။

တတိယနေ့ ကြားနာစစ်ဆေးရာတွင် နံနက်ပိုင်းတွင် တရားလိုပြ သက်သေအဖြစ် သတင်းရဲတပ်ဖွဲ့ (ပြည်ပရေးရာဌာန) ဒုတိယရဲမှူး စကျော်ဝင်းက ထွက်ဆိုသွားခဲ့ကြောင်း သတင်းစာက ရေးသားထားသည်။

ဒုတိယရဲမှူး စကျော်ဝင်းက မေလ ၆ ရက်နေ့ နံနက် ၁၀ နာရီ ၅ မိနစ်တွင် အမေရိကန်နိုင်ငံသား ဂျွန် ဝီလီယံ ယက်တော တည်းခိုသည့် ကျောက်တံတားမြိုံနယ် အမှတ် ၁ ရပ်ကွက် ၃၃ လမ်းရှိ ဗြူတီလန်း ၂ ဟိုတယ်ကို သွားရောက် ရှာဖွေရာတွင် ပစ္စည်း ၆၁ မျိုးပါ ကျောပိုးအိတ်တလုံးကို တွေ့ရှိခဲ့သည်ဟု သတင်းစာတွင် ပါရှိသည်။

သို့သော် ဟိုတယ်ခန်းအတွင်းရှိ စာအုပ်ထဲတွင် အမေရိကန်ဒေါ်လာ ၁၀၀ တန် ၃ ရွက် တွေ့ရှိသည်ဟု ဟိုတယ်မန်နေဂျာ ဦးကျော်သူက အကြောင်းကြားလာသဖြင့် ထိုနေ့ ညနေ ၆ နာရီတွင် နောက်တခေါက်သွားရောက် သိမ်းဆည်းခဲ့ရသည်ဟု ဆိုသည်။

မွန်းလွဲပိုင်းတွင် တရားလိုပြသက်သေ ဗဟန်းမြို့နယ် တပ်ဖွဲ့မှုး ဒုတိယရဲမှုး တင်ဇော်ထွန်းက ထွက်ဆိုသွားရာတွင် မေလ ၇ ရက်နေ့က သူသည် ဗဟန်းမြို့နယ် ငါးထပ်ကြီး အနောက်ရပ်ကွက် ရယကဥက္ကဌ ဦးခင်ညွှန့်တို့နှင့်အတူ ရွှေတောင်ကြားရပ်ကွက်၊ တက္ကသိုလ်ရိပ်သာလမ်း၊ အမှတ် ၅၄-၅၆ ရှိ ဒေါ်အောင်ဆန်းစုကြည်အိမ်သို့ ဗဟန်းတရားသူကြီး၏ အိမ်ရှာဝရမ်းဖြင့် သွားရောက်ခဲ့ကြောင်းပြောသည်။

ဒေါ်အောင်ဆန်းစုကြည်ကို မစ္စတာ ယက်တော၏ ဓာတ်ပုံပြသရာ သိပါသည်ဟု ပြောဆိုကြောင်းနှင့် မစ္စတာ ယက်တောသည် မေလ ၄ ရက် နံနက်ပိုင်းတွင် ရောက်ရှိပြီး မေလ ၅ ရက် ညပိုင်းတွင် ပြန်သွားခဲ့သည်ဟု ပြောပြသည်ဟု ပါရှိသည်ဟု ရေးသားထားသည်။

ထို့နောက် မစ္စတာယက်တော ကျန်ရစ်ခဲ့သည့် ပစ္စည်းများကို ဒေါ်အောင်ဆန်းစုကြည်က ပြသရာ ပစ္စည်းတခုချင်းစီ စာရင်း ကောက်ယူခဲ့ကြောင်း ပါရှိသည်။ မစ္စတာယက်တောက ဒေါ်အောင်ဆန်းစုကြည်အား မူဆလင် အမျိုးသမီးဝတ်စုံ နှစ်စုံကို လက်ဆောင်ပေးခဲ့ကြောင်း ပါရှိသည်။
-------------------------------

ခွန်ဥက္ကာ (ဥက္ကဌ- ပအိုဝ့် ပြည်သူလွတ်မြောက်ရေး အဖွဲ့) နှင့် ဆက်သွယ်မေးမြန်းချက်
ကြာသပတေးနေ့၊ မေလ 21 2009 14:25 - မြန်မာစံတော်ချိန်

”ဒေါ်စုအမှုက တကယ်တော့ အမှု မမြောက်ဘူး။ အမှု မရှိဘဲနဲ့ အမှုဆင်တာပေါ့။ အမှုမမြောက်တဲ့ အမှု ဖြစ်တယ်။ နောက် သူ့ကိုစွဲတဲ့ ဥပဒေကလည်း စစ်မှန်တဲ့ ဥပဒေမဟုတ်တဲ့ အခါကျတော့ ဥပဒေမြောက်တယ်။ ဥပဒေအရစွဲတယ်လို့ ပြောလို့ မရတဲ့ ဥပဒေမျိုး ဖြစ်တယ်။ ဒါကြောင့် ပြစ်မှုလည်း မမြောက်ဘူး။ ဥပဒေကလည်း ဥပဒေ မမြောက်တဲ့ အခါကျတော့ အမှုလို့တောင် မခေါ်နိုင်ပါဘူး။ ဒါသက်သက် လုပ်ကြံတာဘဲ ဖြစ်နေတော့ ဒါက လုံးဝ ရုပ်သိမ်းပေးဖို့၊ ဒီအမှုကို လုံးဝ ခြွင်းချက်မရှိ ရုပ်သိမ်းပေးဖို့ ကျနော်တို့ အဓိက တောင်းဆိုတာ ဖြစ်ပါတယ်။”

“ကျနော်တို့ တိုင်းပြည်အတွက်ကို ကြည့်မယ်ဆိုရင် မတူညီတဲ့ အင်အားစုတွေ ရှိပါတယ်။ အာဏာသိမ်းထားတဲ့ စစ်အုပ်စုရှိသလိုဘဲ အပစ်အခတ်ရပ်စဲထားတဲ့ တော်လှန်ရေး တိုင်းရင်းသား လက်နက်ကိုင် တပ်ဖွဲ့တွေ ၊ တချိန်တည်းမှာဘဲ ကျောင်းသား၊ လူငယ် ၊ ရဟန်းသံဃာ ဒီမိုကရေစီလိုချင်တဲ့ ပြည်သူလူထုကလည်း ရှိတယ်။”

”ဆိုတော့ ဒီအင်အားစုတွေ အားလုံးကို ဆွဲပြီးတော့ တန်းတူညီတူ စုစည်းနိုင်ဖို့ဆိုတာက နအဖ ကလည်း မလုပ်နိုင်ပါဘူး။ ဘယ်သူမှလည်း မလုပ်နိုင်ပါဘူး။ အားလုံးသုံးပွင့်ဆိုင်ပေါ့ အင်အားစု သုံးခု လုံးကို စွဲစု ပြီးတော့ ရင်ကြားစေ့ ပေးနိုင်တာက ဒေါ်စုဖြစ်တယ်။ ဒေါ်စုက တိုင်းပြည်ရဲ့ ပြန်လည် သင့်မြတ်ဖို့ အတွက်က မရှိမဖြစ်တဲ့ မဏ္ဍိုင် ဖြစ်နေတယ်။”

”စီရင်ချက်ချတဲ့ အချိန်မှာ ကျနော် ထင်တယ်။ စီရင်ချက်မချခင်မှာ နအဖက လူပါးလူနပ်ဆိုတော့ အပေးအယူလုပ်နိုင်တယ်။ အဲဒီစီရင်ချက်မှာ ဒေါ်စုကို လွှတ်မယ်လို့ စီရင်ချက်ချမယ်ဆိုရင် ဘာတွေ ရမလဲ လိုက်မေးမှာ အမှန်ဘဲ။ ဥပမာ Sanction တွေကို ဖြုတ်ပေးမလား။ သူ့ရဲ့ ၂ဝဝ၈ ကိုအသိအမှတ်ပြုမလား။ ၂ဝ၁ဝ ရွေးကောက်ပွဲကို အသိအမှတ်ပြုမလား။ အဲဒီကိစ္စမျိုးတွေကို သူ့ကို ကျနော်တို့က ပေးမယ်ဆိုရင် ဒေါ်စုကို လွှတ်မယ်ဆိုတဲ့ ဟာမျိုးနဲ့ အပေးအယူလုပ်နိုင်တယ်။”

”သူလိုချင်တဲ့ ၂ဝဝ၈တို့ ၂ဝ၁ဝတို့ Sanction တို့ကို ဆက်ထားမယ်။ ဆက်တိုးမယ်။ ၂ဝ၁ဝကိုလည်း ဘယ်သူမှ လက်မခံဘူး။ ၂ဝဝ၈ ကိုလည်း ကျနော်တို့ ငြင်းပယ်ထားတယ်ဆိုတော့ အဲဒီပုံစံ အတိုင်းသွားတိုင်း သွားမယ်ဆိုရင်တော့ ပါးကိုက် နားကိုက်ပေါ့ ဒေါ်စုကိုလည်း ထပ်ပြီတော့ ထောင်ချမှာဘဲ ။မိုက်မိုက်ကန်းကန်းပေါ့။”

”ဒါတော့ ကျနော်တို့ တွက်လို့ ရတယ်။ ဒါကြောင့် ဒီ၂လနဲ့ ၃လမှာ နိုင်ငံရေး အရ အပေးအယူ အလျော့ အတင်း တွေ ကစားပြီးတော့မှ စီရင်ချက်က ပေါ်လာလိမ့်မယ်လို့တော့ ကျနော်ထင်တယ်။”

” တိုင်းရင်းသား တွေနဲ့လဲ လုပ်နိုင်တယ်။ နိုင်ငံတကာနဲ့လည်း လုပ်နိုင်တယ်။ ပြည်တွင်းမှာ ရှိနေတဲ့ အတိုက်အခံ အင်အားစုတွေနဲ့လည်း လုပ်နိုင်တယ်။ အားလုံးနဲ့လုပ်နိုင်တယ်။

အပစ်အခတ်ရပ်စဲရေး အဖွဲ့တွေနဲ့လည်း ချိန်ကိုက်ဘဲ။ သြဂုတ်၊ စက်တင်ဘာမှာ သူတို့က အသွင်ပြောင်းနိုင် မပြောင်းနိုင် ဆိုတာ Warning (သတိပေးထား) ပေးထားတဲ့ အခါကျတော့ ဒေါ်စုရဲ့ စီရင်ချက်ချမယ့် အချိန်မှာ အဲဒီ အကုန်လုံးချိန်ကိုက် တိုင်းရင်းသားတွေကို လက်နက်ကိုင် အဖွဲ့တွေကို ချုပ်ကိုင်မယ့် အချိန်နဲ့ သွားကိုက်နေတယ်။ အဲဒါတွေ ကိုက်ပြီးတော့မှ တပြိုင်နက်တည်း စီရင်ချက်ချလိမ့်မယ်လို့ ကျနော်ထင်တယ်။”
-------------------------------

စွမ်းအားရှင်တယောက် ကျပ်နှစ်သောင်း
ကြာသပတေးနေ့၊ မေလ 21 2009 13:55 - မြန်မာစံတော်ချိန်

ဒေါ်အောင်ဆန်းစုကြည်၏တရားခွင် နေ့စဉ်ရက်ဆက် ပြုလုပ်နေစဉ်အတွင်း လုံခြုံရေးအတွက် လိုအပ်နေသော ”စွမ်းအားရှင်” များ အာဏာပိုင်များက စုဆောင်းလျှက်ရှိရာ တဦးလျှင် တရက်ကို ငွေကျပ် နှစ်သောင်းအထိ ပေးမည်ဟု ဆိုသည်။

အင်းစိန်ထောင် အနီးတဝိုက်နှင့် ရန်ကုန်မြို့တွင် အချက်အချာ ကျသောနေရာများတွင် အသင့်စောင့်ဆိုင်းနေရမှာဖြစ်ပြီး ပုံမှန် အခြေအနေတွင် တရက်လျှင် ကျပ်ငွေ ၃ ထောင်ပေးမှာဖြစ်ပြီး ပဋိပက္ခ အခြေအနေနှင့် ကြုံတွေ့၍ စစ်အစိုးရ ဆန့်ကျင်ရေး ဆန္ဒပြသူများကို ရိုက်နှက် ဖမ်းဆီးရလျှင် ငွေကျပ်နှစ်သောင်း ပေးမည်ဟုဆိုကာ စုဆောင်းမှုများ ပြုနေရသည်ဟု စုံစမ်းသိရှိရသည်။

အချုို့သော ရပ်ကွက်များတွင် လျာထားသော အရည်အတွက် ပြည့်မှီမှုမရှိသဖြင့် လောလောဆယ်အချိန်မှာပင် ဈေးပိုပေးနေရသည်။

အင်းစိန်ထောင်အနီးနှင့် အင်းစိန်မြို့နယ်တွင်း လက်နက်ကိုင် စစ်တပ်များ ရဲများ နေရာအနှံ့ မြင်တွေ့နေရသော်လည်း ရန်ကုန်မြို့တွင်း အခြားနေရာများတွင်မူ ယူနီဖောင်းဝတ် လုံခြုံရေးများ အနည်းငယ်သာ တွေ့ရသည်။

လမ်းဆုံလမ်းခွများနှင့် လူစည်ကားရာနေရာများတွင် အရပ်ဝတ်ရဲများ၊ စစ်ဖက်ရေးရာ လုံခြုံရေးများနှင့် စွမ်းအားရှင်များသာ ရှိနေသည်ကို တွေ့ရသည်။

၂ဝဝ၇ ခုနှစ် စက်တင်ဘာလ သံဃာတော်များဦးဆောင်သော ဆန္ဒပြမှုများတွင် စွမ်းအားရှင်အဖြစ် အရပ်သားများကို ခေါ်ယူကာ တဦးလျှင် အနည်းဆုံး ငွေသုံးထောင်ကျပ်၊ နေ့လည်စာ ဒန်ပေါက်တပွဲနှင့် စီးကရက် တဗူးစီ အခကြေးငွေ ပေးခဲ့သည်။
-------------------------------

ဒေါ်အောင်ဆန်းစုကြည် တရားခွင်သို့ အရောက်နောက်ကျ
ကြာသပတေးနေ့၊ မေလ 21 2009 13:55 - မြန်မာစံတော်ချိန်

ဒေါ်အောင်ဆန်းစုကြည်သည် ယနေ့တရားခွင်သို့ နောက်ကျပြီး ရောက်ရှိလာသည်ဟု စုံစမ်းသိရှိရသည်။ မည်သည့်အတွက်ကြောင့် နောက်ကျသည်ကို ရှင်းလင်းစွာ မသိရသေးပါ။

အမှုရင်ဆိုင်နေရသော ဒေါ်အောင်ဆန်းစုကြည်ကို ထောက်ခံသော ဆန္ဒဖော်ထုတ်မှုအဖြစ် အင်းစိန်ဈေးအနီးတွင် အမျိုးသား ဒီမိုကရေစီ အဖွဲ့ချုပ် အလုပ်အမှုဆောင် ဦးဝင်းတင်နှင့် ပါတီဝင်များ ရောက်ရှိ စောင့်ဆိုင်းနေကြသည်။

ယခင်နေ့များကထက် ပိုမို အတင့်ရဲလာသော စွမ်းအားရှင်များက ကင်မရာ ကိုင်ဆောင်ထားသူများကို လိုက်လံရှာဖွေနေပြီး သတင်းထောက်လက်မှတ် စစ်ဆေးလျှက်ရှိသည်။

လမ်းပိတ်ထားဆဲဖြစ်ပြီး လမ်းကြားမှ လူသွားလမ်းတလမ်းနှင့် ယာဉ်အသွားအလာအတွက် လမ်းကြားလမ်းတခုကို ခွင့်ပြုထားသည်။

သို့သော် ဈေးဆိုင် အရောင်းအဝယ်များ သိသာစွာ လျော့ပါးသွားသည်။
-------------------------------

အင်းစိန်ထောင်ရှေ့ လုံခြုံရေး စွမ်းအားရှင်များ အသုံးပြုလာ
ကြာသပတေးနေ့၊ မေလ 21 2009 13:00 - မြန်မာစံတော်ချိန်

ယနေ့ အင်းစိန်ထောင်အနီး ယူနီဖောင်းဝတ် လက်နက်ကိုင် လုံခြုံရေး နည်းသွားပြီး ကြံ့ဖွံ့၊ စွမ်းအားရှင်များကို ပိုမို ချထားလာသည်ကို တွေ့ရသည်။ ထောင်ရှေ့ ရောက်ရှိနေသူ ၅၀၀ ခန် ရှိနေသည်။
-------------------------------

တံခါးပိတ် တရားခွင် ပြန်ဖြစ်
ကြာသပတေးနေ့၊ မေလ 21 2009 11:25 - မြန်မာစံတော်ချိန်

ဒေါ်အောင်ဆန်းစုကြည်၏ ယနေ့ တရားခွင်ကိုတော့ တံခါးပိတ် တရားခွင်အဖြစ် ပြန်လည် ပြုလုပ်မှာ ဖြစ်သည်။

နိုင်ငံခြား သံတမန်များလည်း ဖိတ်ကြားခြင်း မခံရသလို ပြည်တွင်း ပြည်ပ သတင်းစာဆရာများလည်း ထပ်မံ ဖိတ်ကြားမှု မရှိတော့ပါ။
-------------------------------

မြန်မာ့အရေးအတွက် တရုတ်၊ အိန္ဒိယတို့နှင့် အမေရိကန် ဆွေးနွေးမည်
ကြာသပတေးနေ့၊ မေလ 21 2009 11:00 - မြန်မာစံတော်ချိန်

အမေရိကန်အနေဖြင့် လက်ရှိ ဖြစ်ထွန်းနေသော မြန်မာ့အရေးနှင့် ပတ်သက်၍ တရုတ်၊ အိန္ဒိယတို့နှင့် ဆွေးနွေးသွားရန် စီစဉ်ထားကြောင်း အမေရိကန် နိုင်ငံခြားရေးဝန်ကြီး ဟီလာရီ ကလင်တန်က ပြောဆိုလိုက်သည်ဟု ပီတီအိုင် သတင်းတရပ်အရ သိရသည်။

၂ဝ၁ဝ ခုနှစ်အတွက် အမေရိကန်၏ ဦးစားပေး နိုင်ငံခြားရေး ပေါ်လစီအကြောင်း ကလင်တန်က ဆီးနိတ်လွှတ်တော်တွင် ယမန်နေ့က ထွက်ဆိုသွားရာတွင် မြန်မာ့အိမ်နီးချင်း နိုင်ငံကြီးနှစ်ခုဖြစ်သော တရုတ်နှင့် အိန္ဒိယတို့သည် အရေးပါသော နိုင်ငံများအဖြစ် ရှုမြင်ကြောင်း ပါရှိသည်ဟု ပီတီအိုင် သတင်းတွင် ပါရှိသည်။
-------------------------------

ဒေါ်အောင်ဆန်းစုကြည်အမှု ယမန်နေ့ တရားခွင်
ကြာသပတေးနေ့၊ မေလ 21 2009 10:16 - မြန်မာစံတော်ချိန်

အင်းစိန်ထောင်အတွင်း အထူးတရားရုံးတွင် ယမန်နေ့က ပြုလုပ်ခဲ့သည့် ဒေါ်အောင်ဆန်းစုကြည်၏ တရားခွင်ကို တက်ရောက် နားထောင်ခွင့်ရသူများကို မေးမြန်း၍ မူကေးက သရုပ်ဖော်ပုံကြမ်း ရေးဆွဲထားသည်။

မဇ္ဈိမသတင်းမှ